Gods and Generals (títol orichinal en anglés, en aragonés Dioses y chenerals, enguerada en Aragón con o suyo títol traduciu enta lo castellano como Dioses y generales) ye una cinta de cine estausunidense de l'anyo 2003 de cine de drama belico epico dirichida por Ronald F. Maxwell seguntes un guión adaptau por él mesmo basau en Gods and Generals, una novela de Jeff Shaara publicada en 1996. Con una dirección de fotografía de Kees Van Oostrum, una banda sonora orichinal de John Frizzell y Randy Edelman y una producción cinematografica de Moctesuma Esparza, Robert A. Katz, Mace Neufeld y Robert Rehme, l'elenco d'actors principals d'a cinta ye formau por Jeff Daniels, Stephen Lang, Robert Duvall, Mira Sorvino, Kevin Conway, C. Thomas Howell, Frankie Faison, Bruce Boxleitner, W. Morgan Sheppard, William Sanderson, Billy Campbell, Patrick Gorman, John Castle, John Prosky, Royce D. Applegate y Lester Kinsolving.
Se tracta d'una cinta concebida como precuela de Gettysburg (1993, Ronald F. Maxwell) y que conta con o mesmo director y la mayor parte de l'elenco de dita cinta, y que se centra en os pasos previos a la batalla de Chancellorsville mientres a Guerra Civil d'os Estaus Unius, ambientando-se asinas dende 1861 dica 1863, cuan s'escaició la dita batalla, en os estaus de Maryland y Virchinia, habendo-se rodau en Virchinia, Virchinia Occidental y Maryland. Gods and Generals s'enfoca mas que mas en dos personalidaz d'os Estaus Confederaus d'America, os chenerals Stonewall Jackson (interpretau por Stephen Lang) dica la suya muerte en a batalla de Chancellorsville y Robert E. Lee (interpretau por Robert Duvall). Se tracta d'una cinta que recibió bels premios y nominacions, encara que garra d'éls en os premios prencipals.